يارب تكونوا بهنا وصحه وخير وسعاده دايما
انا جيت النهارده وزى ماعودتكم منى مش بكتبلكم الا التجارب اللى بعملها بنفسي
كنت النهارده قاعده بقول لنفسي مش كفايا خلطة الزيوت السحريه مع انها روعه عشان اطول واغذى شعرى فقررت اعمل حاجه تفيدو عملت ايه عملت لشعرى ماسك بس ايه تحفففففففففففففففففففففففففففففففففففففففففففففه بعد ساعتين من الماسك ده بقى حرير كانى عاملاه استشوار تعالو بقا اقولكم المقادير
بيضه او اتنين على حسب طول شعرك
ملعقه اكل كبيره او اتنين بردوا على حسب طول شعرك مايونيز عااادى
ملعقة اكل كبيره او اتنين كمان على حسب طول شعرك عسل ابيض
فص توم او اتنين كمان على حسب طول شعرك
الطريقه بقا
اخلطى كل ده مع بعضوا وطبعا فص التوم هتكسريه او تفرميه ومكنش عندى توم طازه فحطيت من اللى ماما مخزناه فى التلاجه ولبست البونيه لمدة ساعتين وبعدها غسلت شعرى كويس اوى اوى اوى ولما نشف مش قادره اقولك
بس خلى بالك عارفه الفرشه بتاعت الصيغه لو عندك منها ادهنى بيها شعرك كانك حاطه صبغه انا معنديش فحطيت بايدى عادى يعنى
والتقيم امانه وكمان الدعاء بان ربنا يجمعنى بخطيبى فى العش السعيد على خير ويحل العقد والكلاكيع الكتير